Aza tantaraina na ataonao ren’ny saiko,
Ireny taraina ireny fa marary ny aiko,
Izay iaretanao, fa efa be no fantatro,
Tsy hita izay atao, be ny efa anatro…
Nampahalalaiko anao ny loza mety hihatra,
Ny edinedinao, toa tsindrona nandratra
Izaho no lazainao fa kely asa lany atao,
Iza anefa izao no tomany, mitalaho?
Efa hita niharihary fa mpanongam-panjakana
Nandrava sy nandoro fahavalon’ny lalàna
F’ianao no matim-pety sy ny mana kamo miasa
Efa hita fa tsy mety mbola lasa ihany, lasa!
Aza alaina sary ny fahapotehan’ny tanàna,
Na ireo zaza kere, na ny ray tsy mikarama,
Ny zaza mihenjihenjy mitafy lamba rotika,
Fa malahelo aho, ny aiko koa mangotika…
Andro iraisampirenena ho an’ny hanohanana,
Ka meteza ianao, hanaiky fanohanana
Meteza hifandray tanana fa aza mino nofy,
Ny asa sy sakafo no odin’ity rofy…
Aoka izay ny taraina.
#StopFamineaMadagascar
(C) Kristiann
Lire un autre de ses poêmes : Ianao ry Taniko par Kristiann avril 2020 
